સૌ પ્રથમ દાળને ૪-૫ વાર ધોઈ લેવી. પછી ચોખ્ખા પાણીમાં પલાળવી અને ઢાંકીને ૩-૪ કલાક રહેવા દેવી. ત્યારબાદ તેમાંથી બધુ પાણી કાઢી લઈ, તેમાંથી ૧/૨ કપ દાળ અલગ કાઢી લેવી. બાકીની દાળને મિક્ષરમાં લેવી.

હવે તેમાં લસણ, લાલ અને લીલા મરચા, આદુ, મરી, જીરૂ, વરિયાળી, હિંગ, મીઠો લીમડો તથા ચોખાનો લોટ ઉમેરી થોડું કકરું રહે તેમ ક્રશ કરી લેવું. (જરૂર લાગે તો ૧-૨ ટે.સ્પૂન પાણી લઈ શકાય.) હવે તેને એક મોટી તાવડીમાં કાઢી લેવું.

હવે તેમાં અલગ રાખેલી આખી ચણાની દાળ, ગરમ મસાલો, ધાણા પાવડર ઉમેરી મીક્ષ કરી ૧૫ મીનીટ ઢાંકીને રાખવું.

હવે તેમાં ડુંગળી તથા ગરમ તેલ ઉમેરી સરસ રીતે મિક્ષ કરી લેવું.

હવે હાથમાં બે ટીપા તેલ લઈ હાથ મસળી લેવા. પછી તેમાંથી લીંબુ સાઈઝના નાના-નાના બોલ બનાવી, સહેજ દાબી ચપટી ટીકી બનાવવી. (કિનારીથી સહેજ ફાટે તો ચિંતા ના કરવી)

બધી ટીકી એક ડીશમાં મુકવી. (તમે એક એક બનાવીને પણ ડારેક્ટ તળવા મુકી શકો છો.)
તળવાની ૨ રીત :-
(૧) હવે મીડીયમ આંચ પર ગેસ ચાલુ કરી, તેલ ગરમ થાય એટલે તેમાં ટીકી ઉમેરવી. પહેલી ૨ મીનીટ અડવું નહિ. ત્યારબાદ તેને ફેરવી બીજી બાજુ પણ થવા દેવા. વડા થોડા ડાર્ક બ્રાઉન થાય એટલે કાઢી લેવા.
(૨) તેલ ગરમ થાય એટલે તેમાં ટીકી ઉમેરી, એક મીનીટ થવા દેવું અને સહેજ રંગ બદલાય એટલે કાઢી લેવી. પછી બધી ઠંડી થવા દેવી. ત્યારબાદ ફરી તળવી. થોડા ડાર્ક બ્રાઉન થાય એટલે કાઢી લેવા.

તો આપણા એકદમ ટેસ્ટી ચણાની દાળના ક્રીસ્પી દાબેલા વડા તૈયાર છે.😋😋😋😋
તમે જરૂર બનાવજો🥰🥰🥰
આ વડાને કોપરાની ચટણી સાથે આપવામાં આવે છે. પણ તમે આ વડાને કોથમીર-મરચાની ગ્રીન ચટણી, ટોમેટો સોસ, તળેલા લીલા મરચા, કે સમારેલી ડુંગળી સાથે પણ ખાઈ શકો છો☺️☺️☺️