المنسف (( اللحمه بلبن))
تحدي #الوصفه_المثاليه هاي وصفه المنسف بكل تفصيله ويا رب تستفيدو منها 🌼👍
الخطوات
- 1
ننقع الرز لمده ساعه بماء فاتر.
- 2
نكسر اللبن الجميد ونهرسو (( بتقدروا تستعينوا بالخلاط))وننقعو بماء فاتره لمده ساعه.
- 3
نحط اللحمه على النار مع الماء ونتركها تغلي عشان تطلع الزفاره منها (( لانو اللحمه بالمنسف ما بتنقلى زي لحمه اليخاني)).
- 4
لمى تغلى اللحمه وتطلع الزفاره منها بنكب ميتها ونصفي اللحمه ونغسلها منيح.
- 5
نحوس البصل بالسمنه لحتى تذبل.
- 6
نحط اللحمه النظيفه على طنجره نظيفه ، ونحط البصل يلي ذبلناه بالطنجره وأصلا البصل راح نقيمو أخر شي بس عشان النكهه.
- 7
بنصفي اللبن يلي هرسناه ونضيفو على اللحمه ونضيف حب الهيل وورق الغار ونشغل الغاز تحتو.
- 8
نحضر الرز (( نحط معلقه السمنه ولما تسخن نحط زيت نباتي ولما يقدح نحط الرز المنقوع ونحركو مع السمنه والزيت ليختلط فيهم ولما تسمعو انو بلش يطقطق بنحط 5 كاسات المي ونحط الملح والكركم ونتركوا لما يغلي وينشف ميتو نطمل النار تحتو 👍.
- 9
نقلي اللوز او الصنوبر بسمنه بلديه لحتى يتحمرو.
- 10
((التقديم))
- 11
نحط شراك على السدر ونفردوو وبعدها نشرب خبز الشراك باللبن ، وبعدها نفرد الارز على الشراك ونحط اللحمه فوق الارز ونزينهم باللوز والصنوبر والبقدونس.
- 12
نصفي اللبن يلي بالطنجره من البصل والهيل والورق الغار.
- 13
وصحه وهنااء 😊.
وصفات مشابهة
وصفات ننصحك بمشاهدتها
التعليقات (29)