સૌ પ્રથમ મેંદાને ચાળીને એક બાઉલમાં લો તેમાં અજમો, જીરું, મીઠું તથા ઘી ઉમેરી મોઈ જરૂર મુજબ પાણી ઉમેરી મધ્યમ કઠણ કણક તૈયાર કરો, તેને ૧૫ મિનિટ ઢાંકીને મૂકી રાખો.

ત્યાં સુધી કઢાઈમાં ધીમા તાપે તેલ ગરમ કરો. કણકમાંથી લુઆ કરીને તેમાંથી ગોળ નાની પુરી વણીને તૈયાર કરો.

એક વાટકીમાં સાટો બનાવવા માટે મેંદો અને ઘી ભેગું કરીને ફીણી લો. તૈયાર કરેલા સાટાને પુરી પર લગાવી પુરીને ફોલ્ડ કરો ફરીથી સાટો લગાવી ત્રિકોણ શેપમાં ફોલ્ડ કરી થોડીક વણી લો. તેની પર કાણા પાડો.

આ રીતે બધી પુરી તૈયાર કરીને તેને ગરમ તેલમાં ધીમા તાપે બંને બાજુ ગોલ્ડન બ્રાઉન રંગની થાય ત્યાં સુધી તળો, ઠંડી પડે પછી તેને આથેલા લીલા મરચાં સાથે સર્વ કરો.