બટાકા છોલીને એમાં ફોક વડે કાણા પાડો. મોટા બટાકા વાપરવા ના હોય તો છોલીને એના મોટા ટુકડા કરવા. તેને મીઠાના પાણીમાં અડધો કલાક મૂકી રાખવા અને પછી તળવા. પેસ્ટની ડુંગળી મોટી સમારીને એની પેસ્ટ કરવી. તળવાની ડુંગળીની ઉભી પટ્ટી કાપી બ્રાઉન થાય ત્યાં સુધી તળવી અને પછી એની પેસ્ટ કરવી. કાજુની પેસ્ટ કરવી. ટમેટાની પ્યૂરી કરવી.

એક પેન માં તેલ લઇ તેમાં તજ લવિંગ મરી અને ઈલાયચી ઉમેરવા. તેમાંથી સુગંધ છૂટે એટલે આદુ-મરચા-લસણની પેસ્ટ સાંતળવી. પછી તેમાં કાચી ડુંગળી ની પેસ્ટ ઉમેરીને સાંતળવી. તે બરાબર સંતળાય એટલે તળેલી ડુંગળી ની પેસ્ટ ઉમેરી તેલ છૂટું પડે ત્યાં સુધી સાંતળવી.

હવે તેમાં કાજુની પેસ્ટ, સોયા સોસ, મીઠું,હળદર, અને લાલ મરચું ઉમેરવા. સહેજ સાંતળ્યા બાદ તેમાં ટોમેટો પ્યોરી ઉમેરી બધું મિક્સ કરવું. તેલ છૂટું પડે ત્યાં સુધી સાંતળી તેમાં ગરમ મસાલો, બાફેલા શાક તથા તળેલા બટાકા ઉમેરવા. હલકા હાથે બધું મિક્સ કરવું.

ગ્રેવી માટે જરૂરી પાણી તથા ૨ ટેબલ સ્પૂન પનીર ઉમેરવા. તેલ છૂટું પડે ત્યાં સુધી ઢાંકીને ઉકાળવું. સર્વિંગ પ્લેટમાં કાઢી તેને પનીર વડે ગાર્નિશ કરવું. વેજ ખડા મસાલા ઈન બ્રાઉન ગ્રેવી તૈયાર છે. ઓનિયન રિંગ્સ તથા લીલા મરચાં અને નાન અથવા પરાઠા સાથે ગરમાગરમ સર્વ કરવું.