સૌપ્રથમ એક બાઉલમાં બટર, માર્વાે અને આઈસીંગ સુગર લઈ અને બિટર ની મદદ થી ૫ મિનીટ માટે બીટ કરવું. બધું સરખું મિક્સ થઈ જાય એટલે તેમાં ધીમે ધીમે દૂધ નાખતા જવું અને સાથે સાથે બીટર ચાલુ રાખો.10 મિનિટમાં એકદમ સ્મૂથ થઈ જશે.

દસ મિનિટ પછી સો ગ્રામ જેટલું લઈ બે બટર પેપર ની વચ્ચે મૂકી અને સ્પ્રેડ કરતાં જવું ત્રણ mm જેટલી જાડાઈ રાખવી. બરાબર વણાઈ જાય પછી બટર પેપર કાઢી પાઈ ટ્રે માં મૂકવું. અને કાંટાથી કાણા પાડી દેવા જેથી ફુલાય નહિ.

હવે ફિલીંગ માટે ખારી નો ભૂકો કરી લેવો. ત્યારબાદ તેમાં ફ્રેશ પાઈનેપલ અને કેન નાં પાઈનેપલના થોડા ટુકડા નાખવા. કાજુ ટુકડા અને દ્રાક્ષ નાખવા. મિલ્ક મેડ, બટર અને બુરૂ ખાંડ નાખી બધું સારી રીતે મિક્ષ કરી લેવું.

હવે આ ફિલિંગ ને પાઈ ટ્રે માં ભરી લેવું અને હાથથી દબાવી લેવો. બાકી ના લોટ થી ઉપર કોઈપણ અલગ અલગ ડિઝાઇન બનાવી શકાય છે. દૂધમાં ખાંડ નાખી મિક્સ કરી અને બ્રશથી પાઈ ની ઉપર ફેરવી દેવો.

બેક થઈ ગયા પછી ટ્રે માંથી કાઢી છરી થી સાઈડ કાઢી નીચે પાડી દયો અને મધ લઈ બ્રશ થી ગ્રીસ કરવું. ગરમ હોય ત્યારે જ ગરણી ની મદદથી આઈસિંગ સુગર ને ઉપર છાંટી દેવું. એક કલાક બાદ તેને કટ કરી અને પીરસો.