કોફતા માટે :- મિક્ષ્ચર બાઉલમાં કોફતા માટે ની બધી જ સામગ્રી લઇ ગ્રાઈન્ડ કરી લો. પછી તેમાં તેલ, મીઠું, બેંકીંગ સોડા અને કોર્ન ફ્લોર ઉમેરી બરાબર મિક્સ કરી લો. ચીઝ ને નાના ટુકડા માં કટ કરી લો. તૈયાર કરેલા કોફતા ના મિશ્રણ માંથી આવેલ શેઈપ ના ગોળા બનાવી તેમાં ચીઝ નાં ટુકડા નું સ્ટફિંગ કરી કોફતા બનાવી લો.

ગ્રેવી માટે :- એક કડાઈમાં ૩ ટેબલ સ્પૂન તેલ ગરમ કરી તેમાં આદુ મરચાં લસણ ની પેસ્ટ ઉમેરી ૨ થી ૩ મિનિટ સાંતળો પછી તેમાં ડુંગળી ની પેસ્ટ ઉમેરી બરાબર મિક્સ કરી ૩ મિનિટ સુધી સાંતળો પછી તેમાં ટામેટા ની પ્યુરી ઉમેરી બરાબર મિક્સ કરી તેલ છુટું પડે ત્યાં સુધી ચડવા દો. હવે તેમાં કાજુ, મગજતરી ના બી ની પેસ્ટ ઉમેરી બરાબર મિક્સ કરી લો. હવે તેમાં બધા મસાલા ઉમેરી દૂધ અને જરૂર મુજબ પાણી ઉમેરી બરાબર મિક્સ કરી ૩ થી ૪ મિનિટ સુધી ઉકળવા દો.

ઉકળતી ગ્રેવી માં સ્ટીમ કરેલા કોફતા ઉમેરી ૪ થી ૫ મિનિટ સુધી ધીમા તાપે ચડવા દો. પછી તેમાં ફ્રેશ ક્રીમ ઉમેરી બરાબર મિક્સ કરી લો.

આ રીતે તૈયાર કરેલી સબ્જી ને ગરમાગરમ સર્વ કરો.