સૌથી પહેલાં આપણે લોટ બાંધીશું. લોટ બાંધવા માટે બધી સામગ્રી મિક્સ કરી લેવી. ત્યાર બાદ રોટલી જેટલો ઢીલો લોટ બાંધી લેવો.

હવે લોટ ને ૧૫ મિનિટ કૂણપ આવે એ માટે ઢાંકીને મૂકી દઈશું. હવે સ્ટફિંગ તૈયાર કરીશું.તો એ માટે બધી સામગ્રી જોઈ લઈએ. આ બધી સામગ્રી ને એક બાઉલમાં મિક્સ કરી દઈશું.

હવે પરાઠા બનાવવાનાં શરુ કરીએ. કૂણપ માટે ૧૫ મિનિટ લોટ ને રાખ્યા બાદ ૧-૨ મિનિટ માટે મસળી લેવો. અટામણ માટે કોરો લોટ પણ સાથે રાખવો. હવે એના મોટા લુવા બનાવવાનાં. એ લુવાને અટામણથી કવર કરી ને હાથેથી જ વાટકી જેવો આકાર આપવો.

હવે એ વાટકી ના આકારમાં ૨-૩ ચમચી જેટલું સ્ટફિંગ ભરવું અને કચોરીની જેમ ગોળો વાળી લેવો. ફરી અટામણથી કવર કરીને ધીમા હાથેથી પરાઠાને વણી લેવું. પરાઠાને જાડું જ રાખવું. બહું પાતળા કરવાથી પરાઠા ફાટી જાવાની શક્યતા વધારે હોઈ છે.

હવે એક તવો ગરમ કરવા મુકવો અને ગરમ થઇ એટલે થોડું તેલ લગાડીને ગ્રીસ કરી લેવું. ત્યારબાદ વણેલા પરાઠાને તાવ ઉપર મૂકવું.

પરાઠાને બંને બાજુ બરાબર શેકવું અને તેલ અથવા બટરથી ગ્રીસ કરવું. બંને બાજુ ગોલ્ડાન બ્રાઉન કલર આવે ત્યાંસુધી તાવેથાની મદદથી દાબીને શેકવું.