સાબુદાણા લઇ તેને બે ત્રણ પાણીથી ધોઇ લેવા. ત્યારબાદ તેમાં સાત ગણું પાણી ઉમેરી ચાર-પાંચ કલાક રહેવા દેવા.

ત્યાર બાદ તેને ગેસ ઉપર ગરમ કરવા મુકવું. તેમાં મીઠું પણ ઉમેરવું. અને સતત હલાવતા રહેવું. દાણા ટ્રાન્સપરન્ટ થઈ જશે અને ઉપર આવી જશે અને ઘટ્ટ પણ થઈ જશે એટલે ગેસ બંધ કરી દેવો.

થોડી વાર રહેવા દેવું. પછી તેને પ્લાસ્ટિક ઉપર ચમચાથી પાડવી.(સાવ ઠરવા પણ નહીં દેવાનું,તેથી ઘટ થઇ જશે અને ફરફર તૂટી પણ જશે.)

તેને તડકામાં અથવા તો પંખા નીચે સુકાવા મૂકવી.. સુકાઈ એટલે પ્લાસ્ટિક માંથી કાઢીને પણ સૂકવવા દેવી.

ત્યારબાદ તેને ડબ્બામાં ભરી લેવી. જરૂર પડે ગરમ તેલમાં તળી ઉપયોગમાં લેવી... તો તૈયાર છે આપણી ફરફર, અમે તેને ફરફર કહીએ છીએ. તમે કદાચ સાબુદાણાની વળી કહેતા હશો... બહુ જ સોફ્ટ થાય છે....