સૌથી પહેલા સાબુદાણા એક તપેલી માં લઇ લો પછી તેને 2-3 વખત ધોઈ તેમાં થોડું પાણી (સાબુદાણા ડૂબે તેટલું જ નાખો. વધારે નહિ.)3-4 કલાક પછી સાબુદાણા બધા જ ફૂલી ગયા હશે. ત્યાર બાદ હવે કાચા સાબુદાણા જેમાં લીધા હતા તેના થી દોઢ ગણું (1 +1/2 પાણી) એક તપેલી માં લઇ લો. 5-7 મિનિટ ઉકળે પછી પલાળેલા સાબુદાણા નાંખી બરાબર હલાવી 3-4 મિનિટ પછી ગેસ બંધ કરી દો..2-3 કલાક પછી એક વાર હલાવી 7-8 કલાક રહેવા દો.

ત્યાર બાદ સવારે તે સાબુદાણા માં બાફી ને છીણેલા બટાકા, સિંધવ મીઠું,આદુ અને મરચાં ચોપ કરેલા નાંખી, શેકેલું જીરૂ પાવડર અને લીંબુ નો રસ નાંખી હલાવી દો. હવે ચકરી નો માવો રેડી છે.

હવે અગાસી માં જઈ સેવ પાડવા ના સંચા માં ચકરી ની જાળી મૂકી તેલ લગાવી ચકરી નો માવો ભરી બંધ કરી પ્લાસ્ટિક પર સહેજ તેલ લગાવી ચકરી પાડી દો.બધી ચકરી પાડી દો.7-8 કલાક તાપ માં રહેવા દો. પછી સાંજે લઇ લો. અને બીજે દિવસે ફરી તાપ માં મૂકી બરાબર સુકાઈ જાય એટલે લઇ ચકરી ને એર ટાઈટ ડબ્બા માં ભરી દો. પછી આખું વર્ષ તમે ઉપયોગ કરી શકો છો.

હવે થોડી સાબુદાણા ની ચકરી લઇ તાવડી માં તેલ તેલ મૂકી તળી દો. ડીશ માં સર્વ કરી દો.