એક તપેલા માં ટોન્ડ દૂધ(તાજા) ને ઊભરો લાવી ને ગરમ કરો. સાઇડ માં એક વાટકી માં ૨ ચમચી લીંબુનો રસ અને ૨ ચમચી પાણી મિક્સ કરો. હવે ગરમ દૂધ માં લીંબુના રસ ને થોડું થોડું ઉમેરો અને હલાવતા જાઓ. પનીર અને પાણી પૂરું અલગ પડી જાય ત્યાં સુધી ઉમેરતાં રહો. કાણાંવાળા વાસણ માં કપડું મૂકી, પાણી નીકાળી પનીર અલગ કરો. સાફ પાણી થી ૨-૩ વાર પનીર ને સારી રીતે ધોઇ લો. કપડાં ને દબાવી વધારાનું પાણી નીકાળી લો. પનીર વધારે સૂકું ના થઇ જાય કે વધારે પાણી વાળું ના રહે એનું ધ્યાન રાખવું.

બીજા એક તપેલામાં ફૂલ ક્રિમ દૂધ (ગોલ્ડ) ને ગરમ કરી ઉકાળો. સાથે કેસર અને ઇલાયચી પાઉડર ઉમેરી 1/2 થાય ત્યાં સુધી ઉકાળો. થવા આવે એટલે ખાંડ અને બદામ પિસ્તા ની કતરણ નાખીને થોડી વાર ઉકળવા દો. રબડી તૈયાર છે.

પનીર ને હથેળી થી ૫ થી ૧૦ મિનિટ મુલાયમ થાય ત્યાં સુધી મસળો. હવે એના ચપટા કે ગોળ પેંડા વાળી લો. આટલા પનીર નાં ૮ થી ૧૦ ગોળા બનશે.

રસગુલ્લા ઠંડા થાય એટલે દબાવી ચાસણી કાઢી રબડી માં નાખવા. અને થોડો સમય રબડી માં રહેવા દેવા જેથી રબડી નું દૂધ થોડું અંદર ઉતરે. રસમલાઇ તૈયાર છે.