સૌપ્રથમ ગાજર ને ધોઈ અને છીણી લેવા. પનીરને પણ છીણી લેવું.મેં અહીં ગાયનું પનીર લીધું છે.

નોનસ્ટીક પેનમાં એક ટીસ્પૂન ઘી મૂકી તેમાં ગાજરનું છીણ એડ કરો. ધીમા તાપે તેને કુક કરો. ગાજરમાંથી છૂટેલું પાણી મળે નહીં ત્યાં સુધી ધીમા તાપે હલાવતા રહેવું.

હવે તેમાં એક કપ છીણેલું પનીર એડ કરો. ધીમા તાપે હલાવતા રહી સરસ મિક્સ કરી દો. પાંચથી સાત મિનિટ સુધી ગેસ ઉપર હલાવતા રહેવું. સરસ ફ્લેવર આવે અને લચકાદાર મિશ્રણ તૈયાર થાય એટલે તેમાંથી એક નાનો ગોળો લઈ તેને હથેળીમાં ગોળ વાળી જુઓ. જો લાડવા ની જેમ વળી જાય તો તૈયાર થયું છે. હવે ગેસ ઓફ કરી એક પ્લેટમાં કાઢી ઠંડું કરવા મૂકો.