સફેદ વટાણા ને ૪ થી ૫ કલાક માટે પલાળી રાખો. હવે વટાણાને કુકરમાં બાફવા માટે મૂકો અને એમાં એક બટાકો છોલીને સમારી ને નાખો. હળદર, પાણી અને મીઠું ઉમેરીને ચારથી પાંચ સીટી માં બાફી લો.

વટાણા બફાય ત્યાં સુધી લસણની ચટણી બનાવી દઈશુ. તેના માટે ૧૦થી ૧૨ કળી લસણ લઈશું જીરું, લાલ મરચું,ધાણાજીરુ,મીઠું અને કોથમીર ઉમેરીને થોડું પાણી ઉમેરીને લસણની ચટણી પીસી લો.

સેવ ઉસળ ના મસાલા માટે એક ચમચી ધાણા ને અધકચરા વાટી લો અને એક બાઉલમાં ઉમેરો હવે એમાં લાલ મરચું, હળદર, ધાણાજીરું, મીઠું અને સેવ ઉસળ નો મસાલો કે પછી ગરમ મસાલો અને ગોળ ઉમેરો હવે એમાં પાણી ઉમેરીને બરાબર મિક્ષ કરી લો.

વટાણા બરાબર બફાઈ ગયા છે હવે એક કડાઈમાં તેલ ગરમ કરો તેમાં અજમા અને હિંગનો વઘાર કરો. પછી બનાવેલું મસાલાનું મિશ્રણ એમાં એડ કરી દો.

આ મિશ્રણને બરાબર ઉકળવા દો. મુખડે ગયા પછી એમાં બાફેલા વટાણા ઉમેરી દો. હવે વટાણા ને પાવભાજી ના મેશર થી બરાબર મેશ કરી લો. જેથી એકદમ જાડી ગ્રેવી બની જશે.

હવે એમાં અડધા લીંબુનો રસ ઉમેરો. એક મિનિટ માટે ઉકળવા દો. તો આપણો સેવ ઉસળ નો રગડો તૈયાર છે સર્વ કરવા માટે. તો આપણે એક સર્વિંગ બાઉલમાં સેવ ઉસળ રગડો ઉમેરીશું ઉપર લસણની ચટણી, જીણી સમારેલી ડુંગળી, ટામેટા, સેવ અને ઉપરથી કોથમીર ભભરાવીને સર્વ કરીશું.