સૌ પ્રથમ એક પેન માં અખરોટ ને શેકી લો. ઠંડી પડે એટલે એને એક ચોપર માં ચોપ કરી લો.

ત્યાર બાદ તેમાં ડાર્ક ચોકલેટ અને મિલ્ક ચોકલેટ નાખી ને એને પણ ચોપ કરી લો. જો તમારી પાસે ચોકલેટ ના હોય તો તમે બોર્નવિટા કે ચોકલેટ પાઉડર પણ વાપરી શકો છો. ચોકલેટ ને પેહલા ચપ્પુ ની મદદ થી નાના નાના ટુકડા કરી લો. જેથી કરી ને ચોપર માં જ્યારે ચોપ કરીએ ત્યારે એ પીગળી ના જાય.

હવે તેમાં ખાંડ એડ કરીશું. અને એને પણ પીશી લઈશું.

હવે તેમાં સરસ માટે ૧ ચમચી ક્રીમ ચીઝ અને ૧ ચમચી બટર એડ કરીને બરાબર મિક્સ કરી લઈશું.

ત્યાર બાદ બ્રેડ ની કિનારી ને કટ કરી ને વેલણ ની મદદ થી વની લઈશું જેથી કરી ને બ્રેડ થોડી પાતળી થઈ જાય અને તેમાં સરસ રીતે સેટ થઈ જાય.

વણેલી બ્રેડ પર એક ખૂણા માં આપડે તૈયાર કરેલું મિકચર સિલેન્ડર શેપ માં મુકીશું.

હવે આ બ્રેડ ને આપડે સિગાર જેવો શેપ આપીશું. તેના માટે બ્રેડ ની ચારે બાજુ થોડું થોડું પાણી લગાવી દઈશું. અને ધીરે ધીરે રાઉન્ડ વળતા જઈશું.

રાઉન્ડ વળી જાય એટલે એની બંને બાજુ ફરી થી પાણી લગાવીને એની સાઇડ પણ સીલ કરી લઈશું. અને એને એક સરસ સિગાર જેવો શેપ આપીશું.

આ રીતે બધી બ્રેડ ને શેપ આપી દઈશું. ત્યાર બાદ તેની ઉપર બ્રશ ની મદદ થી બટર લગાવી ને શેકી લઈશું.

આ સિગાર ને તમે ઓવેન માં પણ બનાઈ સકો છો ને ગેસ પર તવા પર પણ બનાઇ સકો છો. હું અહી તમને બંને રીતે બનાવતા શીખવીશ. તવા પર બનવા માટે સૌ પ્રથમ તવા ને ગરમ કરો. હવે તેમાં ત્યાર કરેલ સિગાર ને ધીમા તાપે શેકી લો.

સિગાર ને બધી તરફ થી બરાબર શેકી લો. જ્યાં સુધી એ થોડી ક્રિસ્પી ના થાય.