સૌ પ્રથમ એક પેન ને ગરમ કરી તેમાં અખરોટ ઉમેરી ગેસ ની ધીમી આંચ પર 3 થી 4 મિનિટ માટે ડ્રાય રોસ્ટ કરી લો. ત્યાર બાદ આ અખરોટ ને જીની જીની કટ કરી લો અથવા ચોપર માં કટ કરી લો.

હવે એ જ પેન મા ઘી ને 1 મિનિટ માટે ગરમ કરી તેમાં બેસન અને રવો ઉમેરી ગેસ ની ધીમી આંચ પર સતત ચમચા થી હલાવતા રહી બેસન ગોલ્ડન બ્રાઉન થાય ત્યાં સુધી કૂક કરી લો.

હવે તેમાં ઈલાયચી પાઉડર ઉમેરી બરાબર મિક્સ કરી સતત ચમચા થી હલાવતા રહો.

હવે આમાં ગોળ ઉમેરી બરાબર મિક્સ કરી ગોળ ઓગળે ત્યાં સુધી કૂક કરી લો. ને ત્યાર બાદ આમાં અખરોટ નો ભૂકો ઉમેરી બરાબર મિક્સ કરી લો ને તરત જ ગેસ ની આંચ બંધ કરી લો.

હવે આ બરફી ને એક ચોરસ ટીન કે પ્લેટ મા બટર પેપર લગાવી તેમાં આ બરફી ને ઉમેરી સેટ કરી લો. હવે ચમચા ની મદદ થી આ બરફી ના મિશ્રણ ને પ્રેસ કરી લેવલ સરખું કરી દો. ને ઉપર બાકી વધેલા અખરોટ ના ટુકડા અને પિસ્તા ની કતરણ ઉમેરી ગાર્નિશ કરી ચમચા થી પ્રેસ કરી સરખું કરી લો. જેથી અખરોટ અને પિસ્તા બરફી પર સારી રીતે ચોંટી રહે.

હવે આપણી યમ્મી અને હેલ્થી અખરોટ બરફી તૈયાર છે સર્વ કરવા માટે. આ બરફી ને તમે ફ્રીઝ મા 1 વિક સુધી સ્ટોર કરી સકો છો.