૧ મોટા બાઉલમાં ઘઉંનો લોટ ચાળીને લો. તેના વચમાં આંગળીથી ખાડો કરીને ૨ ચમચા તેલ નાખો. ૧/૨ ચમચી હળદર, મીઠું, મરચું, ધાણાજીરૂઅને અજમો નાખીને સારી રીતે મિક્સ કરી લો.પછી થોડું થોડું પાણી ઉમેરીને પરોઠા જેવો લોટ બાંધો અને થોડીવાર ઢાંકીને રહેવા દો.

મેથી અને સરગવાની ભાજી ઝીણી સમારી ધોઈ લો. ટામેટૂ સમારી લો.

બાંધેલા લોટને મસળીને એકસરખા આઠ ગોળા બનાવો અને પાતળી રોટલી જેવી ઢોકળી વણી લો. પછી એક કડાઈમાં 3 ચમચા તેલ નાખીને વઘાર મૂકો અને તેમાં રાઈ-જીરું અને હીંગ ઉમેરો. રાઈ તતડે એટલે શીંગદાણા ઉમેરીને હલાવો. પછી તેમાં મેથીની અને (ડ્રમસ્ટિક) સરગવાની ભાજી ઉમેરીને મિક્સ કરી લો. પછી ટામેટા ના પીસ, હળદર, મીઠું, મરચું, ધાણાજીરૂ, ગરમ મસાલો નાખીને હલાવી સરખી રીતે મિક્સ કરી લો‌. પછી બાફેલી તૂવેરની દાળ મિક્સ કરી લો. પછી ગોળ અને ચાર કપ પાણી નાખીને ઉકળવા મૂકો.

વણેલી ઢોકળીની રોટલી માંથી ૨ રોટલીના ચોરસ ટુકડા કરો. દરેક ટુકડા ઉપર કોથમીર કોપરાનું પૂરણ મુકીને કિનારીઓ કચોરીની જેમ વાળી લો અને ઉકળતી દાળમાં નાખો. પછી ૨ મિનિટ સુધી ચઢવા દો. બાદમાં બીજી બધી ઢોકળીના પીસ કરીને તેમાં નાખીને હલાવી લો અને તેમાં ૨ ચમચા ઘી નાખીને ૩ મિનિટ સુધી ચઢવા દો.પછી લીંબુનો રસ ઉમેરી હલાવો અને ગેસ બંધ કરી ઢાંકી દો.

આ ગરમા ગરમ ખૂબજ સુંદર, ટેસ્ટી અને હેલ્ધી વાનગી ખાવા ની મઝા માણો.