સૌપ્રથમ ઢોકળી બનાવવા માટેનો લોટ બાંધવા માટે એક મોટા વાસણમાં ઘઉંનો લોટ લઇ તેમાં લાલ મરચું પાઉડર, હળદર, સ્વાદ અનુસાર મીઠું અને તેલનું મોણ નાખી પાણી વડે મીડીયમ સોફ્ટ લોટ બાંધી લેવાનો છે. આ લોટને ઢાકીને દસ થી પંદર મિનીટ માટે સાઈડ પર રાખી દેવાનો છે.

તુવેરની દાળ ને ચોખ્ખા પાણીથી ધોઈ કુકરમાં ચાર-પાંચ વીસલ વગાડી તેને બાફી લેવાની છે. આ દાળને હેન્ડ ગ્રાઈન્ડર વડે ક્રશ કરી લેવાની છે.

એક કડાઈમાં તેલ ગરમ મૂકી તેમાં તજ, લવિંગ, રાઈ, જીરૂ, મરચું, હિંગ અને લીમડો ઉમેરી તેનો વઘાર કરવાનો છે.

ત્યારબાદ તેમાં ક્રશ કરેલી તુવેરની દાળ ઉમેરવાની છે અને પછી તેમાં ગોળ, લીંબુનો રસ અને સ્વાદ અનુસાર મીઠું ઉમેરી બરાબર રીતે મિક્સ કરી લેવાનું છે.

હવે તેમાં શીંગદાણા અને કાજુ કિસમિસ ઉમેરવાના છે. બધુ બરાબર રીતે મિક્સ કરી આ દાળને ઉકળવા દેવાની છે.

હવે તેમાં જય મહારાજ નો વરા ની દાળ નો મસાલો ઉમેરવાનો છે. બરાબર રીતે મિક્સ કરી આ દાળને ધીમા તાપે ઉકળવા દેવાની છે.

તૈયાર કરેલા ઢોકળી ના લોટ માંથી તેના લુઆ બનાવી પાટલા પર મોટુ રોટલી જેવું વડી જવાનું છે. ત્યારબાદ તેના ચપ્પુ વડે મનગમતી સાઈઝ ના ટુકડા કરી લેવાના છે.

આ ટુકડાને ઉકળતી તુવેરની દાળમાં ઉમેરી તેને ચડવા દેવાના છે.