સૌ પ્રથમ બંને હથેળીની મદદથી ૧ પેકેટ મેગી નૂડલ્સ ના બારીક ટુકડા કરી લો.આ ટુકડા ને નોનસ્ટિક પેનમાં ધીમા તાપે ગોલ્ડન કલર થાય ત્યાં સુધી શેકો.હવે કટ કરેલ તમામ વેજીટેબલ્સ, ફુદીના પાન (હાથથી ક્રશ કરી) તેમાં નાખી ૫-૭ મિનિટ સુધી ધીમા તાપે શેકો.

ત્યારબાદ તેમાં ગ્રેટેડ બટાકા એડ કરો.મીકસ કરી લો.હવે તેમાં મીઠું, મેગી મસાલો,લાલ મરચાં પાઉડર, લીંબુ નો રસ નાખી મીક્સ કરો.ગેસ ઓફ કરી દેવો.છેલ્લે તેમાં કોર્ન ફ્લોર નાખી બરાબર મીક્સ કરી લો.ઠંડુ થાય એટલે તેમાંથી કટરની મદદથી રીંગ્સ બનાવી લેવી.

એક કટોરી માં મેંદો લઈ તેમાં આવશ્યકતા અનુસાર મીઠું નાખી, પાણી નાખી ઘટ્ટ સ્લરી તૈયાર કરવી.૧૦૦ ગ્રામ મેગી નૂડલ્સ ના નાના ટુકડા કરી એક બાઉલમાં લઈ લો.ફ્રાઈંગ પેનમાં તેલ ગરમ કરવા મુકો.હવે તૈયાર કરેલ ડોનટ્સ ને મેંદાની સ્લરી માં ડીપ કરો.અને તેને મેગીના કટોરા માં નાખી ગોળ ફેરવો જેથી મેગી તેના પર સ્ટીક થઈ જાય.તેલ ગરમ થાય એટલે તેમાં સમાય એટલા ડોનટ્સ નાખો.હવે ગેસની ફલેમ ધીમી કરી ગોલ્ડન,ક્રીસ્પી તળી લો.