પ્રથમ ઘઉંના લોટમાં મીઠું, મોણ અને જરૂર મુજબ પાણી ઉમેરતાં જઈ કણક બાંધી લો. તેની પર થોડું તેલ લગાવીને કપડાંથી ઢાંકીને રાખો.

હવે, બટાકાને બાફીને છાલ ઉતારી છીણી લો. ત્યારબાદ તેમાં ડુંગળી, મસાલા, કોથમીર અને મીઠું ઉમેરી બધી સામગ્રી બરાબર મિકસ કરી લો.

હવે તૈયાર કરેલ કણકમાંથી એકસરખાં લૂઆ બનાવી લો અને પુરી જેટલો વળી તેમાં સ્ટફિંગ ભરી મોદકની જેમ વાળી સહેજ દબાવી લો.

ત્યારપછી પાટલી પર થોડો ઘઉંનો લોટ છાંટી તેને રોટલીની જેમ કાળજીપૂર્વક ફેરવતા રહી વળી લો.

તેલ લગાવી બંને બાજુ ગોલ્ડન બ્રાઉન થાય ત્યાં સુધી પરોઠા શેકી લો. તવામાંથી ઉતાર્યા પછી પરોઠા પર થોડું માખણ લગાવો.

તૈયાર છે ટેસ્ટી આલુ પરોઠા.