સૌપ્રથમ ટીડોળા અને બટાકાને લાંબા ચિપ્સમાં સમારી લો. શાકને પાણીથી બરાબર ધોઈ લેવું.

એક કડાઈમાં તેલ ગરમ કરવા મૂકવું, તેલ ગરમ થાય એટલે રાઈ જીરુ અને હિંગનો વઘાર કરવો, હવે તેમાં બટાકા નો વઘાર કરો.

હવે બટેકા ને ચાર પાંચ મિનિટ માટે ઢાકણ ઢાંકીને થવા દો, પછી તેમાં ટીંડોળા ઉમેરો. તેમાં હળદર અને મીઠું નાખી હલાવીને ઢાંકણ ઢાંકી પાછું શાક ચડવા દો. વચ્ચે શાકને હલાવતા રહી પાંચ-સાત મિનિટ માટે થવા દો.

હવે ટીંડોળા અને બટાકા ચડી ગયા હશે, હવે તેમાં લાલ મરચું પાઉડર, ધાણાજીરું અને ઝીણું સમારેલું ટામેટું ઉમેરો. બધો મસાલો સરસ મિક્સ થઈ જાય એટલે બે મિનિટ જેટલું શાકને થવા દો.

તો હવે તૈયાર છે આપણું ટીંડોળા બટાકાનું શાક.