સૌ પ્રથમ એક મિડીયમ સાઈઝની પાકી કેરીની છાલ કાઢી, સમારીને મિકસચર માં પીસી લેવું. એકદમ સ્મૂથ પલ્પ તૈયાર કરવું.

એક નાના બાઉલમાં કસ્ટર્ડ પાઉડર લઈ તેમાં 1/4 કપ દુધ એડ કરી સ્લરી બનાવી લેવી. ગઠ્ઠા ન રહે એ ધ્યાન રાખવું. હવે એક પેનમાં 1કપ દુધ લેવું. તેમાં ખાંડ અને કન્ડેન્સ્ડ મિલ્ક એડ કરવું. ઉભરો આવે એટલે તેમાં કસ્ટર્ડ પાઉડર ની સ્લરી એડ કરી સતત હલાવતાં રહેવું. ફલૅમ મિડીયમ રાખવી. થોડું ઘટ્ટ થાય એટલે ગેસ બંધ કરવું.

મિશ્રણ ઠંડુ થાય એટલે તેમાં કેરીનો પલ્પ અને મેંગો એસેન્સ એડ કરી મિક્સ કરવું. મિશ્રણ ને કુલ્ફી મોલ્ડમાં ભરી ઉપર કુલ્ફી સ્ટિક લગાવી બંધ કરવું. 8-10 કલાક ફ્રીઝર માં સેટ થવા મુકવી.

8-10 કલાક પછી મોલ્ડને ફ્રીઝર માંથી બહાર લઈ 30 સેકન્ડ માટે પાણી ભરેલા વાસણમાં 1/2 ડુબાડીને રાખવા. પછી અનમોલ્ડ કરવા. બદામ કે પિસ્તા ની કતરણ વડે ગાનિઁશ કરી એકદમ ચિલ્ડ સર્વ કરવી.