મેથી ની ભાજી,કોથમીર વીણી, ધોઈ અને સમારી લો.આદુ મરચા લસણ જીણા સમારી લો.એક વાસણ માં બેસન લઈ તેમાં આ બધી વસ્તુ ઉમેરી દો. અને બધા સૂકા મસાલા એડ કરી દો.

હવે થોડું થોડું પાણી ઉમેરો અને ખીરું તૈયાર કરો પાણી એકસાથે ના નાખતા થોડું થોડું ઉમેરવું જેથી ખીરુ પાતળું ન થાય ખીરાને થોડું જાડુ રાખો.

તૈયાર થયેલા ખીરામાં ખાવાનો સોડા નાખી તેની ઉપર લીંબુનો રસ એડ કરવો જેથી કરીને સોડા એક્ટિવેટ થશે ત્યારબાદ મિશ્રણને બરાબર મિક્સ કરી લેવું.

હવે ગેસ પર એક તવા માં તેલ મૂકીને ગરમ થાય એટલે તેમાં મેથીના ગોટા મુકવા ગેસ મીડિયમ રાખવો જેથી ગોટા અંદરથી કાચા ના રહે.ગોટા ફૂલી ને ઉપર આવે એટલે તેલ માંથી કાઢી લો આવી રીતે બધા જ મેથીના ગોટા બનાવી લો.

હવે આ મેથી નાં ગરમાગરમ ગોટા સર્વ કરવા માટે તૈયાર છે. તેને આમલીની ચટણી,ટામેટાં સોસ,લીલા મરચા,કાંદા સાથે સર્વ કરી શકાય છે.

આ મેથી નાં ગોટા વરસાદ તેમજ શિયાળા ની ઋતુ માં ખાવા ની બહુ મજા આવે છે.તેમાં મરી, લસણ, હિંગ જેવી પાચક વસ્તુ વાપરી હોવાથી સુપાચ્ય છે અને સ્વાદ માં તો લાજવાબ બને છે.તમે પણ જરૂર થી ટ્રાય કરજો.