રાજમા ને રાત્રે પલાળી રાખવા
અડદ ને બે પાણી થી ધોઈ લેવા
કુકરમાં અડદ અને રાજમા ને બાફવા મૂકતી વખતે તેમાં એક ટી સ્પૂન મીઠું એક ટી સ્પૂન તેલ એક ચપટી સોડા બાય કાર્બ નાખી ૪/૫ સીટી કરી લેવી.

એક પેનમાં ઘી અને તેલ ગરમ કરવા મૂકવું તેમાં હીંગ અને સૂકૂ લાલ મરચું નાખી જીણી સમારેલી ડુંગળી નાખી દેવી અને ૨/૩ મીનીટ સુધી સાંતળવું.પછી તેમાં એક ચમચી આદુ મરચા અને લસણની પેસ્ટ અને હળદર નાખી ને મિક્સ કરી લેવું

ત્યારબાદ તેમાં ક્રશ કરેલા ટામેટાં ઉમેરી દેવા અને મિક્સ કરી લેવું પછી તેમાં લાલ મરચું પાઉડર ધાણાજીરુ મીઠું નાખી દેવા અને એક કપ પાણી નાખવું અને ગ્રેવી ને સરસ રીતે ઉકળવા દેવી

ઉકળી જાય પછી તેમાં બાફેલા અડદ અને રાજમા નાખી મિક્સ કરી લેવું.અને ૮ થી ૧૦ મીનીટ સુધી ઉકળવા દેવા.અડદ જેમ જેમ ઉકળશે તેમ તેમ એકદમ એકરસ થઈ જશે. છેલ્લે તેમાં ગરમ મસાલો અને લીંબુનો રસ નાખી મિક્સ કરી લેવું અને ગેસ બંધ કરી દેવો. serving બાઉલમાં કાઢી ઉપર કોથમીર નાખી એક ચમચી ફ્રેશ મલાઈ નાખી ગાર્નિશ કરીને ગરમા ગરમ સર્વ કરવા.
તો તૈયાર છે પંજાબી સ્ટાઈલ દાલ મખની. મેં જીરા રાઈસ સાથે સર્વ કરી છે.