આખા અડદ અને રાજમાને ૫ થી ૬ કલાક સુધી પલાળી કૂકરમાં બાફી લેવા. પહેલા એક વ્હીસલ ફાસ્ટ તાપમાં અને પછી ૨ વ્હીસલ ધીમા તાપમાં કરી બાફવા. એક પેનમાં બે ચમચા તેલ ગરમ કરી જીરાનો વઘાર કરી ડુંગળી લાલ થાય ત્યાં સુધી સાંતળવી. આદુ લસણની પેસ્ટ ઉમેરવી.

પછી ટામેટાની પ્યોરી ઉમેરી પકાવવી. મીઠુ, હળદર અને એક ચમચી લાલ મરચું નાખવું. ટામેટામાંથી તેલ છૂટું પડવા લાગે એટલે બાફેલા અડદ અને રાજમાં ઉમેરી ધીમા તાપે પકાવવું.

હવે દાલને મખની બનાવવા માટે બે ચમચા માખણને ઓગળે તેટલું ગરમ કરી તેમાં ૧/૨ ચમચી લાલ મરચું નાંખી દાલને તડકા લગાવવી. તૈયાર છે દાલ મખની.

ગરમ દાલ મખની પર થોડી મલાઇ અને બટરથી ગાર્નીશ કરી સર્વ કરવી. બાફલા બાટી સાથે એકવાર જરૂરથી ટ્રાય કરજો.