સૌપ્રથમ એક પોટ માં દૂધ, કોકો પાઉડર, તજ નો ટુકડો અને ખાંડ ઉમેરીને બધું બરાબર હલાવી લેવું. વ્હિસ્ક નો ઉપયોગ કરવાથી દૂધમાં કોકો પાઉડર ખુબ જ સરળતાથી મિક્સ થઈ જાય છે. હવે દૂધને મીડીયમ તાપ પર ગરમ કરવા મૂકવું.

દૂધમાં ઉભરો આવવા જેવું લાગે ત્યારે તેમાં ડાર્ક ચોકલેટ ના ટુકડા ઉમેરીને હલાવતા રહેવું જેથી કરીને ચોકલેટ ઓગળી જાય. દૂધમાં ચોકલેટ એકરસ થઈ જાય એટલે ગેસ બંધ કરી દેવો. દૂધને ઉકાળવાની જરૂર નથી. હવે તેમાં વેનીલા એસેન્સ ઉમેરીને હલાવી લેવું.

ગરમા ગરમ હોટ ચોકલેટને વ્હિપ્ડ ક્રીમ, ચોકલેટ સૉસ, માર્શમૅલો વગેરે ટોપીંગ સાથે સર્વ કરવું.