दुधी बिनबियांचा तसेच कोवळा विकत घ्यावा.
दुधी भोपळ्याची वरची सालं काढायची. मधोमध कापून त्यातील बिया काढून टाकाव्यात आणि दुधी किसून, कीस पाण्यात भिजवून ठेवावा. दूध उकळून थंड करून ठेवा. खवा नसल्याने, मी गोकुळ दूध वापरले कारण दूध उकळून थंड झाल्यावर त्यावर थोडीशी साय येते. सुरुवातीला तुपात 2 टेबलस्पून दूध घालताना मी त्यात दूधाची साय घेतली.

जाड बुडाच्या पातेल्यात तूप आणि 2 टेबलस्पून दूध घालून हे भांडे मध्यम आचेवर गरम होण्यास ठेवावे. एक मिनिटाने पाण्यातून किसलेला दुधी चांगला पिळून त्या पातेल्यात टाकावा. सर्व चांगले एकत्र
करून आणि दोनचार मिनीटे मध्यम आचेवर परतावा. नंतर त्यात उरलेल् 1/2 कप दूध घालावे आणि मध्यम आचेवर पातेले झाकून शिजू द्यावे. मधेमधे ढवळावे.

दूध आटले कि दुधी व्यवस्थित शिजला आहे कि नाही ते पाहावे. लागल्यास 1 टेबलस्पून दूध घालावे.  थोड्यावेळानंतर साखर (तुमच्या गोड चवी नुसार थोडस साखर वाढवू शकता), वेलचीपूड, काजू/बदामाचे/ पिस्ता काप किंवा मिल्क मसाला पावडर घालून ढवळावे. आच मध्यम ठेवावी.

साखर वितळेल आणि दुधी हलवा घट्ट होईल. एकदम छान घट्ट झाले कि गॅस बंद करावा.
हलवा गरम किंवा गार कसाही छान लागतो.