तांदूळ 1 तास पाण्यात भिजवा. नंतर तांदूळ निथळून घ्या आणि आवश्यकतेनुसार पाणी, चवीनुसार मीठ घालून ते 90% पर्यंत मध्यम आचेवर ठेवून शिजवा. भात शिजवल्यावर कागदाच्या टॉवेलवर किंवा plate वर पसरवून ठेवा. भात पूर्ण पणे न शिजवता फक्त 90% शिजवून घ्या.

मसाला घालून चिकन फ्राय करा :-
चिकनला चौकोनी तुकडे करा आणि त्यात मीठ, 1 ते दीड टी-स्पून लाल तिखट, आले-लसूण पेस्ट आणि 1/2 टी-स्पून मिरपूड, घालून चांगले मिक्स करून 20-25 मिनिटे मॅरीनेट करून घ्या. कढईत 6 टेबलस्पून तेल गरम करा आणि चिकनचे चौकोनी तुकडे सोनेरी व कुरकुरीत होईपर्यंत तळा. नंतर हे तळलेले तुकडे प्लेट्स मध्ये काढून बाजूला ठेवा. तळून झाल्यावर उरलेल् तेल अंडी आणि भाज्या फ्राय करण्याकरिता घ्यावे.

अंडी स्क्रॅमबल करण्याकरिता:- आता ज्या कढईत चिकन फ्राय केले, त्या कढईत 1 टेबलस्पून तेल गरम झाले कि त्यात अंडी फोडून टाका, चिमूटभर मीठ घाला. नंतर प्लेटमध्ये स्क्रॅम्बल केलेले अंडी काढून घ्या.

पॅनमध्ये 3-4 टेबलस्पून तेल गरम करून त्यात भाज्या घाला - गाजर, कोबी, स्प्रिंग-कांदा. भाज्या परतून त्यात 2 टी-स्पून लाल तिखट, 1 टी-स्पून सोया सॉस घालावे.

नंतर त्यात चवीनुसार मीठ मिक्स करावे. कमीतकमी 80% भाज्या झाकण ठेवून शिजवून घ्या.

नंतर शिजवलेला भात, स्क्रॅमबल्ड अंडी आणि तळलेले चिकन तुकडे घालून अगदी हळूवारपणे आणि काळजीपूर्वक मिसळा. तांदूळ फोडू नका.

मिक्स झाल्यावर त्यात 1/2 टी-स्पून मिरपूड, शेचेवान चटणी, पुन्हा 1 टी-स्पून सोया साॅस घालून, चांगले मिसळून घ्यावे. वरून चिरलेली कोथिंबीर घालून गॅस बंद करा.

स्वादिष्ट चिकन फ्राईड राइस सर्व्ह करण्यासाठी तयार आहे.