प्रथम तांदूळ स्वच्छ धुऊन घ्यावे. व अर्धा तास पाण्यात भिजत ठेवावे. लागणारी इतर सर्व सामग्री, कांदा, गाजर, बीन्स,बटाटा,सिमला मिरची, चिरून घ्यावे. तसेच आवश्यक ती सर्व सामग्री जवळ ठेवावी.

गॅस सुरू करून गॅस वर एक पॅन ठेवावे. त्यात तूप टाकावे व काजू टाकावे. किंचित परतल्यावर जीरे व तेज पान टाकावे. कांदा टाकावा. तसेच मीठ टाकावे चवीनुसार. कांदा सोनेरी झाल्यावर, आले-लसूण पेस्ट, लाल मिरची टाकून परतावे. त्यानंतर त्यात बटाटा, सिमला मिरची आणि बीन्स टाकावे. व दोन मिनिटे झाकण ठेवून शिजू द्यावे.

झाकण काढून त्यात आता गाजर आणि हिरवा वाटाणा घालावा. एकत्र केल्यावर त्यात मॅगी मसाला टाकावा. हे होईपर्यंत भिजलेले तांदूळ पाण्यातून काढून घ्यावे. ते चांगले फुललेले दिसतील.

आता पॅनमध्ये तांदूळ आणि कीसमिस घालावे. व चांगले मिक्स करून घ्यावे. मिक्स झाल्यावर आता वेळ आहे पाणी आहे टाकण्याची. तांदूळ पूर्वीच अर्धा तास भिजत ठेवल्यामुळे, आता जेवढे तांदूळ तेवढेच पाणी घालावे. म्हणजे एक मेजरींग कप! हे एकत्र केल्यावर स्वादा करिता दोन टेबलस्पून दुधामध्ये, भिजवलेल्या 2_4 केशराच्या काड्या टाकाव्या.

आता सर्व पुन्हा मिसळून कुकरमध्ये एक शिट्टी मंद आचेवर काढून घ्यावी. शिट्टी झाल्यावर गॅस बंद करावा व थंड झाल्यावर कुकर काढावा. आपला व्हेज पुलाव, मोकळा मोकळा तयार झालेला असेल. आता हा वेज पुलाव दह्याच्या रायत्या सोबत, गरमागरम खाण्यास तयार आहे.