सर्व साहित्य एका ठिकाणी जमा करून घ्यावे सर्व भाज्या बारीक चौकोनी आकारात कापून ठेवाव्यात. एका मोठ्या पॅनमध्ये तूप गरम करावे आणि काजू, बदाम मनुका आणि पनीर गोल्डन ब्राऊन होईपर्यंत तळा. त्यांना बाहेर काढा आणि बाजूला ठेवा.

कढईत बाकीचे २ चमचे तूप घाला. गॅस मध्यम ठेवा. त्यात तमालपत्र, हिरवी व काळी वेलची, जीरे, मिरची, लवंगा आणि दालचिनीची काडी घाला. एक मिनिट परता आणि नंतर त्यात कांदे घाला.कांदा गोल्डन झाल्यावर त्यात किसलेले आले, बटाटे, गाजर, फुलकोबी, फरसबी घाला. एक मिनिट परता आणि चार ते पाच मिनिटे कढाई झाकून ठेवा. आता शिमला मिरची, टोमॅटो, हिरवी मिरची, हिरवा वाटाणा घाला आणि भाज्या सॉफ्ट होईपर्यंत परतून घ्या.

पनीर, कॉर्न, तळलेले काजू, बदाम, मनुका आणि मीठ घालून मिक्स करावे.

तांदूळ धुवून 20 मिनिटे भिजवा. त्यानंतर एका मोठ्या भांड्यात 4 कप पाणी उकळा आणि त्यात अर्धा चमचे मीठ आणि तांदूळ घाला. एकदा ते ८० टक्के शिजले की चाळणीत गाळा आणि बाजूला ठेवा.
आता पातेल्यात शिजलेला तांदूळ घाला आणि हळू मिक्स करावे जेणेकरुन तांदूळ फुटू नये. केशर दूध घाला आणि झाकणाने पॅन झाकून ठेवा. 7-8 मिनिटे मंद आचेवर शिजू द्या आणि गॅस बंद करा.

सर्व्हिंग प्लेटवर नवरातन पुलाव वाढून घ्या आणि त्याचा गरमागरम आनंद घ्या लाल भोपळ्याच्या रायत्याबरोबर 😋