सर्वप्रथम भगर स्वच्छ धुऊन पाणी निथळत ठेवावे. दुसरीकडे थोड्या मिरच्या, जीरे व मीठ भरड कुटून घ्यावे. एका पराती मध्ये दुधीचा कीस,शिंगाडा पीठ, राजगिरा पीठ,शेंगदाणा कूट,मिरची भरड, थोडे मीठ एकत्र करून कणके सारखे भिजवून गोळा तयार करून घ्यावा.

पाच मिनिटानंतर या गोळ्याचे लंबगोल आकाराचे कोफ्ते तळून घ्यावेत.

आता कढईमध्ये साजूक तूप घेऊन गरम करावे. त्यामध्ये जीरे,चिरलेली मिरची व कढीपत्त्याची फोडणी करून घ्यावी. या फोडणीमध्ये भगर घालावी.थोडे मीठ घालून भगर छान परतून घ्यावी.खमंग परतल्यानंतर त्यामध्ये साधारण एक ते सव्वा पेला गरम पाणी घालावे. एकदा हलवून वाफेवर होऊ द्यावी. तीन-चार मिनिटानंतर त्यामध्ये लिंबू पिळावे व साखर ऍड करावी. भगर शिजण्याच्या मार्गावर आहे.त्यावेळी तळलेले कोफ्ते भगरी वर ठेवून एक वाफ घेऊन गॅस बंद करावा.उपासाचा कोफ्ता पुलाव तयार आहे बटाट्याच्या कोशिंबिरी सोबत सर्व्ह करावी.