प्रथम भोपळा खिसणीने खिसुन घेणे.गूळ बारीक चिरून घेणे. नंतर गॅस वर कढई ठेवून त्यात चमचा भर तूप घालावे. तूप गरम झाले कि त्यात किसलेला भोपळा त्या तुपा मध्ये 2-3 मिनिटे परतून घेणे.

नंतर त्यात बारीक चिरलेला गूळ घालून ते मिश्रण छान एकजीव करून घेणे. तो भोपळा त्या गुळा मध्ये 5 -7 मिनिटे शिजवून घेणे. हळू हळू गुळाला पाणी सुटण्यास सुरवात होते.त्यातच जायफळ पूड, वेलदोडा पूड ही घालून ते हलवावे. पाणी थोडे आटत आले कि गॅस बंद करावा.भोपळा शिजला आहे का ते पहावे.

नंतर ते मिश्रण थंड करण्यास परातीत ओतून घेणे. थंड झाले कि त्यात मावेल इतकी कणिक म्हणजे 2 कप कणिक आणि 2 चमचे तांदूळ पीठ घालावे.व चिमूटभर मीठ घालून त्याचा घट्ट सर गोळा मळून घेणे.

ते पीठ 10 मिनिटे झाकून ठेवावे. नंतर त्या पिठाचे छोटे छोटे गोळे करून जाडसर पुरी लाटावी.अशाप्रकारे सगळ्या पुऱ्या लाटून घेणे.

गॅस वर कढई ठेवून त्यात तळण्यासाठी तेल घालावे.व मध्यम आचेवर सोनेरी रंगावर सगळ्या पुऱ्या तळून घेणे.

अशाप्रकारे मस्त, खुसखशीत भोपळ घारगे तयार झाले. लोणचे किंवा चटणी सोबत सर्व्ह करावे.