प्रथम भोपळ्याची पूर्ण साल काढून टाकली. त्यातील बिया सुद्धा काढून टाकल्या. आणि भोपळा स्वच्छ पाण्याने धुऊन, त्याच्या फोडी करून घेतल्या.

मग भोपळ्याचा सर्व फोडी किसणीने किसून घेतल्या. व किस वाटीने मोजून घेतला. एक वाटी पूर्ण भरून किस झाला.

मग एका पॅनमध्ये एक वाटी भोपळ्याचा किस व अर्धी वाटी गूळ घालून मध्यम गॅसवर गूळ पूर्ण विरघळेपर्यंत, व आटे पर्यंत व अर्ध्या तासाने थंड झाल्यावर त्यात बाकीचे साहित्य घातले.

अर्ध्या तासाने मिश्रण थंड झाल्यावर त्यात दोन ते अडीच चमचे तांदळाचे पीठ घातले. मग त्यात लागेल तेवढे
गव्ह्याचे पीठ घालून, तसेच चवीप्रमाणे मीठ घालून पीठ चांगले मळून घेतले.

मळलेल्या पिठात दोन ते तीन चमचे दूध घातले. मग पुन्हा एकदा पीठ मळून 10-15 मिनिटे झाकून ठेवले.

नंतर मध्यम गॅसवर तेल गरम झाल्यावर घारगे तळून घेतले. हे घारगे चवीला खूप सुंदर लागतात. हे घारगे 4 ते 5 दिवस टीकतात. आणि आता सर्व्ह करण्यासाठी आपले गरमा गरम पारंपरिक भोपळ्याचे घारगे तयार.