प्रथम आपण याची तयारी करून घेऊया कांदा बारीक चिरून घ्यावा. लाल तिखट पावडर काळा मसाला व मीठ एका प्लेटमध्ये काढून घ्यावेत.

आता एका पसरट पॅनमध्ये तेल घालावे तेल गरम झाल्यावर त्यामध्ये बारीक चिरलेला कांदा घालावा. त्यामुळे थोडीशी हळद घालावी व पाच ते सात मिनिटे कांदा व्यवस्थीत परतून घ्यावा. ही भाजी करताना तेल थोडे जास्त असावे.

आता कांदा व्यवस्थित परतल्यावर त्यामध्ये सर्व मसाला ॲड करावेत. मग हे सर्व मिश्रण पाच मिनिटे तेल सुटेपर्यंत परतून घ्यावे. त्यानंतर यामध्ये अर्धी वाटी पाणी घालावे. मग या मिश्रणाला एक उकळी आणावी.

आता एक वाटी घेऊन त्यामध्ये अंडे फोडावे. असे एक एक करून सर्व अंडी कांद्याचे मिश्रणामध्ये घालावीत.

मग गॅस बारीक करून पेणला झाकावे व पाच ते दहा मिनिटे शिजू द्यावे. हे झाले आपले एग मसाला तयार. आता हे भाकरी किंवा चपाती बरोबर सर्व करावे