सगळे साहित्याची तयारी करून घ्या.

खोबरं भाजून घ्यावे. डिंक थोडा थोडा तूपात घालून तळून घ्यावा.

ड्रायफ्रूटस चे काप (काजू, बदाम, पिस्ते, अंजीर, अक्रोड, मनुका) तूपात खमंग भाजून घ्यावे. व मिक्सर चा भांड्यात घालून रवाळ भरड करावी.

खारीक पावडर तूपात भाजून घ्या. आता डिंक थोडा मिक्सर मधे बारीक करून घ्या व थोडा तसाच ठेवा.

गव्हाचे पीठ खमंग सोनेरी रंगावर भाजावे.

आता खोबरं किस, डिंक बारीक केलेला, डिंक फुलवलेला, ड्रायफ्रूटस भरड, पिस्ता काप थोडे, वेलची जायफळ पावडर, गव्हाचे भाजून घेतलेले खमंग पीठ, खारीक पावडर सगळे जिन्नस एकजीव करावे.

कढईत तूप घालून गूळ घालून तो वितळवून घ्यावा. (पाक करू नये, नाहीतर लाडू खूप कडक होतात) व कोंबट झाल्यावर वरील एकत्र मिश्रणात गाळून घाला. (म्हणजे गुळात काही खडे असल्यास ते गाळण्यात राहतात)

गूळ घातलेले मिश्रण नीट हाताने एकजीव करावे

तयार मिश्रणाचे लाडू वळून घ्यावे, लाडू सहज वळले जातात. व पोकळ होत नाहीत.

व अश्या पध्दतीने सगळे लाडू बांधून घ्या.