कोळंबी दोन-तीन वेळा स्वच्छ धुवून घेणे
त्यातील काळा धागा काढून घेणे. धुतलेल्या कोळंबीला हळद, मीठ, अर्धा लिंबू पिळून चांगले मिक्स करून घेणे व मॅग्नेट होण्यासाठी ठेवून देणे.

दोन कांदे उभे चिरून घेणे. ओले खोबरे व सुके खोबरे किसून घेणे. हे सर्व तव्यावर लालसर भाजून घेणे.ओले खोबरे 2-3 मिनिटे परतवून घेणे. यात आलं,लसूण कोथिंबीर घालून थंड झाल्यावर मिक्सर मधून मसाला वाटून घेणे.

एक कांदा व टोमॅटो बारीक चिरून घेणे. गॅसवर कढई तापत ठेवून त्यात तेल घालणे. तेल तापले की, हिंग व कांदा घालणे. कांदा गुलाबीसर भाजून झाला, की टोमॅटो घालून परतणे.

कांदा,टोमॅटो छान परतून,नंतर सर्व मसाले घालून 5 मिनिट परतणे. मॅग्नेट झालेली कोळंबी घालून पाच मिनिटे परतणे.

मग वाटलेला मसाला घालून छान परतून घेणे गरम पाणी हवे ति घालून घेणे मीठ बेतानेच घालने कारण आधी कोळंबीला पण लावलेल आहे

पाणी घातल्यावर उकळी येऊ द्यावी. नंतर त्यात कोकम आगळ घालून मिक्स करून घेणे व गॅस मंद आचेवर ठेवून कोळंबी शिजू द्यावी. 10 मिनिटे तरी ठेवावे.

या रस्साबरोबर तांदळाची भाकरी हवीच.