#KS8
#मसाला_पाव
स्ट्रीटफूड कल्चर हा भारतीय खाद्य संस्कृतीचा अविभाज्य भाग आहे... किंबहुना आता तो झालाय..
स्ट्रीट फूड वर मिळणारे पदार्थ बहुरंगी, बहुढंगी आणि उत्तम चवीचे असतात. कधी कधी हे ठेलेवाले आपल्यासारखेच घटक पदार्थ, मसाले वापरुन पदार्थ करतात. तरीदेखील चवी मध्ये वेगळेपणा कसा येतो..? तुम्हालाही पडला असेलच ना प्रश्न कधीतरी...
मोठ्या लोखंडी तव्यावर,कढईमध्ये झणझणीत तवा पुलाव, चौवमिन, फाईड राईस मंचूरियन कितीतरी पदार्थ सहज रीत्या बनविले जातात. या गाडीवाल्यांकडून खूप काही शिकण्यासारखे असते. त्यांची टाईम मॅनेजमेंट, रिसोर्सफुलनेस आणि क्रिएटिव्हीटी सारखे गुण.... असो
मुंबईचा असाच एक पदार्थ स्ट्रीट फूड म्हणून खूप प्रसिद्ध आहे आणि तो म्हणजे *मसाला पाव*..
मुंबईला बऱ्याच वेळा काही ना काही कामानिमित्त जाण्याचा योग येतोच येतो. जेव्हा ही जाते तेव्हा या मसालेपाव चा मनमुराद आनंद घेते. मी जेव्हा पहिल्यांदा मुंबईला गेले तेव्हा आम्ही बाहेर खाण्यासाठी गेलेलो. तिथे आम्ही ज्या फूडची ऑर्डर दिली ती तयार होण्यासाठी थोडा वेळ होता. तेव्हा त्या वेळेत आम्ही हा मसाला पाव खावा असे तिथल्या ठेले वाल्यांनी आम्हाला सुचविले. तेव्हा तिथे पहिल्यांदा टेस्ट केलेला हा मसाला पाव.. चवीला अप्रतिम, भन्नाट खूप आवडला सर्वांना आणि मला देखील. तेव्हापासूनच मी त्याची रेसिपी युट्युब वर शोधून करायला लागले. आज कुकपॅडच्या निमित्ताने परत एकदा घरी हा मसाला पाव बनवून त्याचा आस्वाद घेता आला...
पावभाजीचा क्विक अवतार म्हणजे मुंबईचा मसाला पाव. कुठल्या छोट्या मोठ्या पार्टीमध्ये सामील होऊ शकणारा चटपटीत पदार्थ, स्नॅक्स म्हणून पार्टीचे आकर्षण ठरू शकते..
तेव्हा करू या मग *मुंबई स्ट्रीट फूड स्पेशल चटपटीत मसाला पाव*... 💃 💕