तूर डाळ स्वच्छ धुऊन, थोडेसे गरम पाणी करून त्यात भिजत घालणे. कांदा टोमॅटो बारीक चिरून घेणे

दोडका सलून घेणे. नंतर आपल्याला हव्या त्या आकारात तुकडे करून घेणे. पाण्याने स्वच्छ धुवून घेणे.

गॅसवर कढईत तेल गरम करत ठेवावे.तेल तापले की त्यात जीरे-मोहरी, हिंग घालून घेणे.नंतर कांदा घालून गुलाबीसर भाजून घेणे. नंतर टोमॅटो घालून चांगले परतवून घेणे.

भिजवलेली तूरडाळ घालून 1-2 मिनिटे परतवून घ्यावी.नंतर सर्व मसाले घालून परतणे. दोडक्याचे तुकडे घालून परतवून घेणे.

1-2 मिनिटे परतवून घेतल्यावर, गरम पाणी हवे तेवढे घालून घेणे. चवीप्रमाणे मीठ घालून घेणे.

उकळी आल्यावर गॅस मध्यम आचेवर ठेवून, कढईवर झाकण ठेवून शिजू द्यावे. अधूनमधून डाळ व दोडका शिजला का ते पाहावे.थोडेसेच पाणी शिल्लक ठेवावे. भाजी शिजली की गॅस बंद करावा. वरून कोथिंबीर टाकून सर्व्ह करावे.