दोडके सोलून ते चिरून घ्यावेत. मुगडाळ, तासभर भिजत घालावी. त्यानंतर धुवून घ्यावी. कांदा, टोमॅटो चिरून घ्यावे.

गॅसवर एका कढईत तेल तापवून त्यात जीरे मोहरी टाकावी. कांदा टाकून तो सोनेरी होईपर्यंत परतून नंतर त्यात टोमॅटो टाकावे. थोडे सॉफ्ट झाल्यावर त्यात हळद, तिखट, धणे पूड, आणि मसाला टाकून चांगले मिक्स करून घ्यावे. आता त्यात भिजलेली मूग डाळ टाकावी.

मिक्स करून त्यावर झाकण ठेवून दोन मिनिट शिजू द्यावी.

त्यानंतर त्यात चिरलेले दोडके टाकावे. थोडे पाणी टाकावे. म्हणजे भाजी खूप कोरडी होत नाही. आणि झाकण ठेवून शिजू द्यावे. साधारण दहा मिनिट,कमी आचेवर शिजवावे.

त्यानंतर त्यात चिरलेली कोथिंबीर टाकावी. दोडक्याची मुगाची डाळ टाकून केलेली भाजी जेवणासाठी तयार आहे.