प्रथम नारळ खरवडून घ्या. आता गॅसवर कढई मध्ये तूप गरम करून त्यात रवा गुलाबीसर भाजून घ्या. रवा भाजत आल्यावर त्यात नारळाचा चव घालून मंद आचेवर पुन्हा सात ते आठ मिनीटे परतून घ्या.

एकीकडे गॅसवर कढई मध्ये साखर व साखरेच्या निम्मे पाणी घालून त्याचा एक तारी पेक्षा थोडा वरचा पाक करून घेतला. पाकाला उकळी आल्यावर त्यात १ चमचा दूध घालून उकळले व वर येणारी साखरेतली मळी काढून घ्या.(पाकला उकळी येण्यास सुरवात होते. साधारण पाकाला चिकटपणा,एक तार आली की समजावे पाक तयार आहे. आता गॅस बंद करावा.(एखादा थेंब प्लेट मध्ये घालून पाहावे कि तो थेंब एकाच ठिकाणी राहिला तर पाक झाला असे समजावे)नसेल तर पुन्हा गॅस सुरु करुन पाक उकळावा.

आता तयार पाकात रव्याचे मिश्रण घालून मिक्स करुन घ्या.
वेलचीपूड घालाव साधारण अर्धा ते एक तास झाकून ठेवा. रवा पाकात मुरवून मिश्रण घट्ट झाल्यावर मग त्यात बेदाणे लावून वळून घ्या..