प्रथम नारळ खोवून घ्या. नारळाचा फक्त पांढरा भाग घ्यावा. करवंटीकडील काळपट भाग घेऊ नये.
रवा मंद आचेवर 3-4 मिनीटे कोरडाच भाजावा. तळापासून सारखे ढवळत राहावे जेणेकरून रवा जळणार नाही. रंग बदलेस्तोवर भाजू नये, अगदी हलकेच भाजावे. नंतर परत रवा भाजायचा आहे.

भाजलेला रवा परातीत काढावा. त्यात खवलेला नारळ घालावा आणि मिसळावे. नारळातील ओलसरपणा रव्यात उतरेस्तोवर 10 मिनीटे तसेच ठेवावे.

कढईत तूप गरम करून त्यात रवा-नारळाचे मिश्रण घालावे. मिश्रण मिडीयम-स्लो फ्लेमवर भाजावे. सतत तळापासून ढवळावे. काही वेळाने भाजलेल्या रव्याचा छान वास येईल. रव्याचा रंग हलका बदामी होईस्तोवर भाजावे. भाजलेले मिश्रण परातीत काढून ठेवावे.

साखर आणि पाणी एकत्र करून एकतारी पाक करावा. मिश्रण उकळायला लागले कि साधारण 3 ते 4 मिनीटांनी पाक एकतारी झाला आहे का हे बघावे. जर एक तार दिसली कि पाक तयार आहे असे समजावे किंवा एकतारी पाक ओळखता येत नसेल. मिश्रण उकळायला लागले कि 3 ते 4 मिनीटात एकतारी पाक तयार होतो. पाक तयार झाला कि गॅस बंद करावा.

टीप: ओलं खोबरं वापरलं असल्यामुळे हे लाडू फार काळ टिकत नाहीत, जास्तीत जास्त 8-9 दिवस टिकतील. उष्ण आणि दमट हवामानात 4-5 दिवसच टिकतील. अशावेळी 2 दिवसांनी लाडू फ्रिजमध्ये ठेवावेत.

टीप: लाडूचे मिश्रण जर फारच कोरडे झाले तर एकतारी पेक्षा पाक जरा जास्त पुढे गेला तर असे होते. अशावेळी 1/2 कप पाणी + 3 टेस्पून साखर असे मिश्रण उकळवावे. 4 मिनीटे उकळवून पाक लाडू मिश्रणावर ओतावा. मिक्स करून मिश्रण आळले कि लाडू वळावेत.