प्रथम १ कोथिंबीरची जुडी घेऊन ती निवडून आणि स्वच्छ धुऊन सुकवून घ्यावी.

आता त्यात १ कप बेसन, १/४ कप तांदळाचे पीठ, १ मोठा चमचा लहसुण आणि हिरव्या मिरच्यांची पेस्ट, १/२ चमचा लाल तिखट, १/२ चमचे जीरे, १ चमचा तिळ, आणि शेवटी चवी नुसार मीठ घालावे.

आता पाणी न घालता ते सर्व जिन्नस एकत्र करावे. आता त्यात थोडे थोडे पाणी घालून त्याचा घट्ट असा गोळा तयार करून घ्यावा.

आता ताटाला १/२ चमचे तेल पसरून लावावे. नंतर तो गोळा घेऊन त्यावर थापुन पसरट करावा. नंतर ते १५ मिनिटे वाफवुन घ्यावे.

आता ते पुर्ण पणे गार होऊन द्यावे. नंतर सुरीला थोडे तेल लावावे. आता ते गार झालेले जिन्नस सूरीने कापुन त्याच्या वड्या तयार करून घेणे.

आता एका पॕनमध्ये तेल गरम करुन त्यात त्या वड्या तळुन घ्यावेत. तळून झालेल्या वड्या आता मस्त साँस बरोबर किंवा चटणी बरोबर सर्व्ह करु शकता.