उडीद डाळ 5-6 तास भिजत ठेवा,डाळ भिजून झाली की मिक्सरमध्ये पाणी न घालता वाटून घ्या,मग एक भांड्यात घेऊन डाळ एक दिशेने छान फेटून घ्या.मग त्यामुळे खोबऱ्याचे काप-हिरवी मिरची बारीक कापून-कोथिंबीर-मीठ घाला व सगळं मिसळून घ्या,नंतर हाताला पाणी किंवा तेल लावून वड्याचे पिठाचे छोटे गोळे बनवून एक-एक गोळा हातात घेऊन तो हाताने दाबुन त्याला मध्ये छिद्र करून घ्या.

मग आपण तयार केलेला वडा गरम तेलात मध्यम आचेवर दोन्ही बाजूने तळुन घ्या,अश्या प्रकारे सगळे वडे तयार करून घ्या.

सांबर साठी दोन्ही डाळी व टोमॅटो एकत्र करून कुकरमध्ये 4 शिट्या करून शिजवून घ्या,मग एक भांडे गॅसवर ठेवून ते गरम झाले की फोडणी करून घ्या व त्यात लसूण-आलं पेस्ट,कांदा घालून परतून घ्या.

कांदा परतून झाला की त्यात लाल तिखट-हळद-मीठ-सांबर मसाला घालून घ्या,मग त्यात शिजवून घेतलेला बटाटा फोडी करून घ्या व त्या घाला मग त्यात चिंच कोळ व गूळ घाला मग त्यात शिजवून घेतलेली डाळ घाला व हवे तितके गरम पाणी घाला व सगळं एकत्र 10 मिनिटे शिजवून घेणे मग तयार झाले आपले सांबर,शेवटी कोथिंबीर घाला.

वडा सांबर सर्व्ह करताना खाली दाखवले प्रमाणे प्लेट मध्ये वडे ठेवून त्यावर सांबर ओतून वरून कोथिंबीर व कट केलेला कांदा घाला व सोबत लिंबू फोड द्या,आवडत असल्यास वरून तुम्ही बारीक शेव देखील घालू शकता