प्रथम आले स्वच्छ धून घेणे. नंतर ते कोरडे करुन त्याचे साली काढून घेणे. व बारीक तुकडे करून घेणे.

आता गॅस वर कढई ठेवून त्या मध्ये 1 चमचाभर तूप घालावे. गॅस बारीक ठेवून त्या तुपात आले पेस्ट घालावी. 1 मिनीट बारीक गॅसवर परतून घेणे व लगेचच त्यात साखर घालावी.आवडत असल्यास वेलची पूड घालणे व दोन्ही बारीक गॅसवर परतत राहावे. हळू हळू मिश्रण ला साखरेचे पाणी सुटू लागते.

5-7 मिनीट नंतर हे मिश्रण अगदी थोडे घट्ट होण्यास सुरवात होते. आता या मध्ये पुन्हा 2 चमचे दूध व 1 चमचा तूप घालून हे मिश्रण हलवून घेणे. 5 मिनीट मध्ये हे मिश्रण घट्ट होण्यास सुरवात होते व त्याचा गोळा तयार होतो. गॅस बंद करावा. ताटाला थोडे तूप पसरून घेणे. त्यात हे गरम मिश्रण घेऊन थापून घेणे. आपल्या आवडीनुसार त्याचे तुकडे करून घेणे. थंड झाले की कापलेले तुकडे प्लेट मध्ये काढून घेणे.

मस्त असा खास थंडी साठी घरच्या घरी आलेपाक तयार होतो.