प्रथम वडे तयार करण्यासाठी बटाटे उकडून स्मॅश करून घेतले. आलं लसूण मिरची पेस्ट करून घेतली.

गॅसवर कढईमध्ये तेल गरम करून त्यात आलं लसूण मिरची पेस्ट परतली. कढिपत्ता परतल्यावर त्यात स्मॅश केलेला बटाटा परतून त्यात मीठ, हळद, कोथिंबीर घालून लिंबाचा रस, गरज वाटल्यास थोडीशी साखर मीक्स के्ली. तयार बटाटे वड्याचे सारण थंड करून घेतले.

आता बॅटर साठी एका वाडग्यात बेसन तांदळाचे पीठ, तिखट, मीठ, हळद मीक्स करून पाणी घालून थोडे थीक बॅटर तयार केले. वडे तळण्यावेळी सोडा मीक्स केला.

आता सांबार तयार करण्यासाठी प्रथम तुरडाळ स्वच्छ धुऊन शीजवून घेतली. शेवग्याच्या शेंगा, तांबडा भोपळा वाफवून घेतले. आलं मिरची पेस्ट करून घेतली. कोथिंबीर बारीक चिरून घेतली.

गॅस वर कढई मध्ये तेल गरम करून त्यात जीरे, कढीपत्ता, आलं मिरची पेस्ट परतली.मग कांदा परतल्यावर टोमॅटो मऊ होईपर्यंत शिजवून घेतला.त्यात अनुक्रमे वाफवलेल्या शेवग्याच्या शेंगा, तांबडा भोपळा, तिखट मीठ सांबार मसाला गुळ सर्व परतून त्यात घोटून शीजवलेली तुरडाळ मीक्स केली.व गरम पाणी घालून सांबार उकळून घेतले.

आता गॅसवर कढई मध्ये तेल गरम करत ठेवले. वाड्याच्या मिश्रणाचे छोटे चपटे गोळे बनवून बॅटर मधे डीप करून गरम तेलात मध्यम आचेवर तळून घेतले.

एका बाऊलमध्ये प्रथम गरम सांबार घालून त्यात वडा ठेवून वरून कोथिंबीर घातली. व तयार बटाटा वडा सांबार गार्निश करून सर्व्ह केले.