प्रथम पालक स्वच्छ धुऊन निथळत ठेवा. त्यातील पाणी गेल्यावर नॅपकीनवर पसरवून बारीक चिरून घ्या. कांदाही बारीक चिरून घ्या.

गॅस वर पॅन ठेवून त्यामध्ये एक टीस्पून बटर टाका. त्यात कांदा टाकून परतून घ्या. नंतर चिरलेला पालक टाका व कॉर्न टाकून परता.

थोडेसे मऊ झाल्यावर त्यात ओरेगेनो, चिली फ्लेक्स, गार्लिक पावडर, चवीपुरते मीठ, हिरवी मिरची पेस्ट टाकून मिश्रण परतून घ्या.

नंतर व्हाइट सॉस तयार करा- पॅन मध्ये एक टीस्पून बटर त्यात एक टेबलस्पून मैदा टाकून थोडेसे भाजल्यावर मिरी टाका. नंतर अर्धा कप दूध टाका. दोन मिनिटे शिजवून घ्या म्हणजे व्हाईट सॉस तयार होतो. वरील तयार मिश्रणात व्हाईट सॉस टाकून मिश्रण ढवळून घ्या.

सॅंडविच तयार करताना एका ब्रेड च्या स्लाईस वर पुदिना, हिरवी मिरचीची चटणी लावून घ्या. नंतर त्यावर तयार पालक व कॉर्नचे मिश्रण लावून,त्यावर चीज स्लाईस ठेवा. दुसऱ्या स्लाईसला हिरवी चटणी लावून पहिल्या स्लाईस वर ठेवा.

गॅसवर पॅन ठेवा व त्यावर तयार स्लाइस त्यावर बटर लावून दोन्ही बाजूने गोल्डन ब्राऊन रंग येईपर्यंत भाजून घ्या.नंतर काढून तिरका छेद देऊन कट करा.

अशाप्रकारे डिनर साठी आपला चीजी स्पिनॅच कॉर्न सॅंडविच तयार... सर्व्ह करताना तयार सॅंडविच बरोबर टोमॅटो सॉस ठेवा. खूपच टेस्टी व यम्मी यम्मी👌👌 लागतो. तुम्हीही नक्की करून पहा.