உருளைக்கிழங்கு சாதம்

ஒரு கடாய் அடுப்பில் வைத்து எண்ணெய் ஊற்றி சூடானதும் ஜீரகம் போடவும்.ஜீரகம் சிவந்ததும் கறிவேப்பிலை சேர்க்கவும்.

கறிவேப்பிலை வதங்கியதும் நறுக்கிய வெங்காயம், பச்சை மிளகாய் சேர்த்து வதக்கவும்.

பிறகு இதில் இஞ்சி பூண்டு விழுது சேர்த்து வதக்கவும்.

இதனுடன் நறுக்கிய உருளைக்கிழங்கை சேர்த்து ஐந்து நிமிடம் வதக்கவும்.

தேவைக்கு உப்பும் சேர்த்து நன்றாகக் கிளறி ஒரு நிமிடம் கூட வதக்கவும்.

உருளைக்கிழங்கு வெந்ததும் மஞ்சள் தூள், மிளகாய் தூள் சேர்த்து வதக்கவும்.

இதனுடன் கரம் மசாலா தூள் சேர்த்து வதக்கவும்.

இதில் கொஞ்சம் தண்ணீர் விட்டு நன்றாகக் கிளறி லோ ஃப்ளேமில் வேக வைக்கவும்.

உருளைக்கிழங்கு சரியான பருவத்தில் வெந்தவுடன் வேக வைத்த சாதத்தை சேர்த்து நன்றாகக் கிளறவும்.தேவை என்றால் உப்பும் சேர்த்து கொள்ளவும்.

இதில் லெமன் ஜூஸ் சேர்த்து நன்றாக மிக்ஸ் பண்ணி மூடி வைத்து லோ ஃப்ளேமில் ஐந்து நிமிடம் வேக வைக்கவும்.

நறுக்கிய மல்லித்தழை தூவி இறக்கவும்.

சுவையான உருளைக்கிழங்கு சாதம் ரெடி.