கொடுத்துள்ள காய்கறிகளை, பொடியாக நறுக்கிக் கொள்ளவும்.

அடுப்பை சிறு தீயில் வைத்து, கடாயில் நெய் விட்டு காய்ந்ததும், சேமியாவை சிவக்க வறுத்து, தட்டில் ஆற விடவும்.

அடுப்பை மீடியத்தில் வைத்து கடாயில், நெய், எண்ணெய் காய்ந்ததும், பட்டை, லவங்கம், ஏலக்காய், போட்டு, வதக்கியதும், வெங்காயம், உப்பு, ம.தூள் போட்டு நன்கு வதக்கவும்.

இஞ்சி, பூண்டு, ப.மிளகாயை, மிக்ஸியில் அரைத்துக் கொள்ளவும்.வெங்காயம், வதங்கியதும், தக்காளி, அரைத்த விழுதை போட்டு வதக்கவும்.

அடுத்து, உருளை கிழங்கு, முள்ளங்கி, மி. தூள் சேர்த்து நன்கு வதக்கவும்.

பிறகு வறுத்த சேமியா, கரம் மசாலா சேர்த்து சிறிது தண்ணீர் தெளித்து 5 நிமிடம் வேக விடவும்.

அடுப்பை சிறு தீயில் வைத்து சிறிய கடாயில் நெய் விட்டு காய்ந்ததும், முந்திரியை வறுக்கவும்.

வறுத்ததை சேர்த்து, மேலே கொத்தமல்லி தழையை போட்டு ஒன்று சேர கிளறி பௌலுக்கு மாற்றவும்.