அடுப்பில் ஒன்றரை கப் தண்ணீர் கொதிக்க வைத்து அதில் வறுத்த அரிசி மாவையும், தேவைக்கு உப்பும் சேர்த்து நன்றாகக் கிளறி இறக்கவும்.

கிளறிய மாவுக் கலவையை நன்றாகக் குழைத்து சிறிய சிறிய பந்துகளாக உருட்டி தனியாக வைக்கவும்.

தேங்காய் துருவலுடன் மூன்று கறுவாப்பட்டை துண்டுகள், கொஞ்சம் சின்ன வெங்காயம் சேர்த்து ஈரப்பதம் போகும் வரை வறுத்து,ஆற வைத்து மிக்ஸி ஜாரில் போட்டு அரைத்து பேஸ்ட் ஆக்கிக் கொள்ளவும்.

நான்கு கப் தண்ணீரில் மஞ்சள் தூள், மிளகாய் தூள், மல்லித்தூள், பெருஞ்சீரக தூள், அரைத்த தேங்காய் விழுது இவற்றை சேர்த்து நன்றாகக் கலவை செய்து வைக்கவும்.

கடாய் அடுப்பில் வைத்து அதில் எண்ணெய் ஊற்றி சூடானதும் நறுக்கிய வெங்காயம் மற்றும் கிராம்பு, மீதமிருக்கும் ஒரு துண்டு பட்டை சேர்த்து வதக்கவும்.

வெங்காயத்தின் நிறம் மாறியதும் மசாலாக் கலவையை இதனுடன் சேர்க்கவும்.

மசாலாக் கலவை நன்றாகக் கொதித்ததும் ஏற்கனவே நாம் தயார் செய்து வைத்திருக்கும் சிறிய மாவு பந்துகளை இதில் சேர்த்து தேவைக்கு உப்பும் சேர்த்து வேக விடவும்.

சுத்தம் செய்து வைத்திருக்கும் சிக்கனையும இதனுடன் சேர்த்து வேக விடவும்.அடுப்பை லோ ஃப்ளேமில் வைக்கவும்.

மாவு பந்துகளும,சிக்கனும் நன்றாக வெந்து இறுகி செட் ஆகி வரும்போது அடுப்பில் இருந்து இறக்கவும்.

ஒரு சிறிய பேன் அடுப்பில் வைத்து அதில் கொஞ்சம்எண்ணெய் ஊற்றி சூடானதும் சின்ன வெங்காயம் சிறிது நறுக்கிப் போட்டு கறிவேப்பிலையும் போட்டு தாளித்து இதில் ஊற்றவும்.

அருமையான மணமும், சுவையும் நிறைந்த சக்கோலி ரெடி.