முழு பூண்டு 2 கட்டி தோல் உதிர்த்து கழுவி தட்டி வைக்கவும்.பொட்டுக்கடலை 1/2 கப் எடுத்து வைக்கவும்.வறுத்த வேர்க்கடலை தோல் நீக்கி வைக்கவும்.கறிவடகம் எடுத்து வைக்கவும்.வரமிளகாய் 3 எடுத்துவைக்கவும்.முந்திரி 8 பாதியாக உடைத்து வைக்கவும்.பொரி பாக்கெட் ஒன்று வாங்கி வைக்கவும்.பொரியில் உப்பு சேர்த்து இருப்பதால் உப்பு சேர்க்க வேண்டாம்.தேவை என்றால் சேர்க்கவும்.நெய் 4 டீஸ்பூன்,தேங்காய் எண்ணெய் 4 டீஸ்பூன் எடுத்து வைக்கவும்.தாளிக்க கடுகு உளுந்து சீரகம் எடுத்து வைக்கவும்.

கடாயில் நெய் ஊற்றி கடுகு உளுந்து பருப்பு சீரகம் சிறிது தாளித்து பொட்டுக்கடலை வேர்க்கடலை முந்திரி வரமிளகாய் சேர்த்து பொன் நிறமாக வறுக்கவும்.வறுத்ததை தனியே எடுத்து வைக்கவும்.அதே கடாயில் தேங்காய் எண்ணெய் ஊற்றி பூண்டு கருவேப்பிலை தாளித்து,பொன் நிறமாக வறுக்கவும்.

அதில் மிளகாய் தூள் 1 டீஸ்பூன் மஞ்சள் தூள் 1 டீஸ்பூன் சேர்க்கவும்.பொரியை சுத்தம் செய்து சேர்க்கவும்.நன்கு வறுக்கவும்.அடுப்பை பொரி சேர்த்தவுடன் சிம்மில் வைக்கவும்.பொட்டுக்கடலை வேர்க்கடலை வறுத்து வைத்ததை சேர்த்து நன்கு கிளறி வறுக்கவும்.

சூடு ஏறும் வரை அடுப்பில் வைத்து இருக்கவும்.கிளறி கொண்டு இருக்கவும்.வறுத்த கார பொரி ரெடி.குழந்தைகள் பெரியவர்கள் விரும்பி சாப்பிடுவர்.