முதலில் ரவையை 2 மணி நேரம் ஊற வைக்கவும். பின்பு வெள்ளை துணி பயன்படுத்தி ரவையை வடிகட்டி பால் எடுக்கவும்.சிறிதளவு நீர் சேர்த்து 3 முறை அவ்வாறே பால் எடுக்கவும்.

பின் ரவையில் எடுத்த பாலை அளந்து கொள்ளவும். அளந்த பாலில் பாதியளவு சர்க்கரை எடுத்து கொள்ளவும். இனி வடிகட்டப்பட்ட ரவை தேவையில்லை.

அளந்த சர்க்கரையில் பாதியளவை ஒரு டம்ளர் நீரில் சேர்த்து அடுப்பில் வைத்து கரைக்கவும். பின் மீத சர்க்கரையை அடுத்த அடுப்பில் நீர் ஊற்றாமல் இளந்தீயில் பாகு காய்ச்சவும். இந்த பாகு காபி நிறம் வந்ததும் அடுத்த அடுப்பில் உள்ள சர்க்கரை நீரில் சேர்க்கவும்.

இந்த பாகே அல்வாவிற்கு நல்ல நிறத்தை கொடுக்கும்.பின் சர்க்கரை அனைத்தும் கரைந்ததும் ரவை பாலை சேர்க்கவும். சிறிது நேரத்தில் கண்ணாடி போல திறண்டு வரும் அப்போது நெய் 2 கரண்டி சேர்க்கவும். இளந்தீயில் வைத்தே அல்வா தயாராகும் வரை சமைக்கவும்.

ஒவ்வொரு 10 நிமிடத்திற்கு ஒருமுறையும் நெய் சேர்க்கவும். அல்வா முடியும் தருவாயில் முந்திரி சேர்க்கவும். இறுதியாக அல்வா தயார் எனில் நெய் தனியே பிரியும். அப்போது நாவில் கரையும் திருநெல்வேலி நெய் அல்வா தயார்.