ராகி சப்பாத்தி மற்றும் தேங்காய் சட்னி (Raagi chappathi and thenkaai chutney Recipe in Tamil)

அடுப்பில் ஒரு பாத்திரத்தில் 1 டம்ளர் தண்ணீர் ஊற்றி உப்பு சேர்த்து நன்கு கொதிக்க விடவும். பிறகு ஒரு பவுலில் ராகி மாவு சேர்த்து இதில் கொதிக்கும் தண்ணீரை ஊற்றி நன்கு கிளறி விடவும். லேசாக ஆறிய பின்னர் கைகளால் நன்கு சப்பாத்தி மாவு பதத்திற்கு பிசைந்து கொள்ளவும்.

பிறகு சப்பாத்தி கட்டையில் வைத்து தேவையான அளவு உருண்டையாக உருட்டி சப்பாத்தி போல தேய்த்து எடுத்து கொள்ளவும். அடுப்பில் தோசை கல் வைத்து சூடாக வந்ததும் எண்ணெய் ஊற்றி அதன் மேல் தேய்த்து வைத்த மாவை போட்டு எண்ணெய் தடவி இரண்டு பக்கமும் திருப்பி போட்டு வேக வைத்து எடுக்கவும்.

மிக்ஸி ஜாரில் தேங்காய், பொட்டுகடலை, பச்சை மிளகாய், பூண்டு பல், இஞ்சி, புளி, சிறிதளவு கறிவேப்பிலை, உப்பு சேர்த்து தேவையான அளவு தண்ணீர் ஊற்றி அரைத்து எடுத்து கொள்ளவும். தாளிப்பு கரண்டியில் எண்ணெய் ஊற்றி காய்ந்ததும் கடுகு, உளுத்தம்பருப்பு, கறிவேப்பிலை தாளிக்கவும்.

தாளிப்பை அரைத்து வைத்துள்ள சட்னியில் ஊற்றவும். ஆரோக்கியமான ராகி சப்பாத்தி மற்றும் தேங்காய் சட்னி தயார். நன்றி